ມື້ນີ້ໄປປຼິ້ນເອກະສານຢູ່ຮ້ານແຫ່ງໜຶ່ງ ກັບມາສຽບ Flash drive ເຂົ້າຄອມ Antivirus ເດັ້ງຂຶ້ນມາແດງເຕັມເລີຍໄວຣັສຮ້ອຍປາຍອື້ຫື ເມື່ອສະແກນແລ້ວ ທຳການກຳຈັດຮຽບຮ້ອຍ ເປີດເຂົ້າໄປໃນ Flash drive ປາກົດວ່າວ່າງເປົ່າທັງໆທີ່ຄວາມຈຳຖືກໃຊ້ໄປເປັນເຄິ່ງ ອ້າວເຮັດແນວໃດລະບາດນີ້ ໂປຣແກຣມ Show Folder ອີຫຍັງກະບໍ່ມີ, ເນັດກະບໍ່ມີ ຫຼາຍໆຄົນອາດຈະເຈິບັນຫາແບບນີ້ບໍ່ສະເພາະຄົນທົ່ວໄປສ່ວນ ຫຼາຍແມ່ນຈະຢູ່ຕາມຫ້ອງການຕ່າງໆອາດຈະເຈິບັນຫານີ້ ເຊັ່ນກັນ ເລີ່ມຍາວລະ ອະມາເບິ່ງວິທີແກ້ກັນເລີຍວ່າເຮັດແນວໃດ?
![Z[0]NEN (H)](http://nas.bl.ee/wp-content/uploads/2014/05/Z0NEN-H.jpg)
1.ໄປທີ່ Start ພິມ cmd ເມື່ອເຫັນແລ້ວໃຫ້ເປີດມັນຂຶ້ນມາ
ໜ້າຕາຈະເປັນແບບນີ້
2.ໃຫ້ທ່ານພິມຊ່ອງຂອງ flash drive ຕາມດ້ວຍສອງຈ້ຳ : ແລ້ວກົດ Enter ໃນນີ້ຂອງຂ້າພະເຈົ້າເປັນຊ່ອງ H ກໍຈະພິມ H: ແລ້ວກົດ Enter ອໍ່ຕົວອັກສອນຈະພິມນ້ອຍພິມໃຫຍ່ກໍໄດ້ຄືກັນ
ແລ້ວກໍຈະປ່ຽນມາເປັນ H:\>
ເອົາລະມາເຖິງຂັ້ນຕອນສຳຄັນລະບາດນີ້ ໃຫ້ທ່ານພິມ attrib -s -h -r /s /d ຖ້າຢ້ານພິມບໍ່ຖືກໃຫ້ກັອບປີ້ໄປແລ້ວໄປຄລິກຂວາໃສ່ຈໍສີດຳແລ້ວ Paste ໃຫ້ຄລິກຂວາມແລ້ວ Paste ເທົ່ານັ້ນ Ctrl+V ຈະໃຊ້ບໍ່ໄດ້ ເມື່ອພິມໝົດແລ້ວໃຫ້ກົດ Enter ແລ້ວລໍຖ້າຈັກໜ່ອຍຖ້າໄຟລ໌ມີຂະໜາດໃຫຍ່ອາດຈະດົນແດ່ ລໍຖ້າຈົນກວ່າຈະກັບມາເປັນ H:\> ຄືເກົ່າ
ພຽງເທົ່ານີ້ເຮົາກໍຈະໄດ້ ໄຟລ໌ ແລະ ໂຟລເດີກັບຄືນມາແລ້ວ
![Z[0]NEN (H)](http://nas.bl.ee/wp-content/uploads/2014/05/Z0NEN-H.png)
ເອົາລະຫວັງວ່າວິທີນີ້ອາດຊ່ວຍໃຫ້ຫຼາຍໆຄົນແກ້ໄຂບັນຫາໄຟລ໌ ຫຼື ໂຟລເດີບໍ່ເຫັນດ້ວຍຕົນເອງໄດ້ ດ້ວຍວິທີງ່າຍໆນີ້ເນາະ
ສຳລັບໃຜທີ່ຢາກຮູ້ຄວາມໝາຍວ່າ attrib ແມ່ນຫຍັງ, -s ແມ່ນຫຍັງ, -h ແມ່ນຫຍັງ, -r ແມ່ນຫຍັງ, /s ແມ່ນຫຍັງ, /d ແມ່ນຫຍັງ ໄປຊອກອ່ານເອົາເອງເນາະ ແຕ່ບໍ່ສຳຄັນດອກວ່າມັນເຮັດໜ້າທີ່ຫຍັງ ໃຫ້ຈື່ເອົາ ແລະ ຮູ້ວ່າມັນໃຊ້ໄດ້ແລ້ວລະກະພໍ
Tag :
Tip & Trick
